Promovimi turizmit – Shqipëria me bukuri natyrore por ka mungesë infrastrukture

Shqipëria rendite në një nga vendet me shumë bukuri natyrore në reportazhet e medias së huaj. Kryeministri Edi Rama vijon të promovojë turizmin dhe bukuritë natyrore të Shqipërisë në rrjetin e tij social Fcebook. Këtë të diel kryeministri ka publikuar një shkrim për rivierën shqiptare nga revista e jahteve Boat International.

Në këtë shkrim ku përshkruhen bukuritë natyrore dhe potencialet e zhvillimit të bregdetit tonë  thuhet se numri i turistëve që vizituan Shqipërinë në vitin 2016 -2017 u rrit me 20%. Në shkrim jepen detaje për kapacitetet e portit të Sarandës si dhe mundësia e ankorimit të jahteve e cila ndikon ndjeshëm në rritjen e numrit të turistëve.

Ndërkohë që hapja e aeroportit në afërsi të Sarandës në 2019 do të tërhiqte më shumë ankorimin e jahteve në portin e qytetit bregdetar. Por pavarësisht panoramës rozë që përshkruhet në reportazhin në fjalë turizmi shqiptar lë ende shumë për të dëshiruar. Aktualisht qytetarët hasin në mungesën e infrastrukturës në zonat turistike si dhe në mungesën e plazheve publike.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.