Prona, pengesë për investimet – Dhoma Amerikane: Penalizon ekonominë. Lame: Reformë e plotë në 3 drejtime

Problemet e shumta që bart çështja e pronave në Shqipëri është kthyer në një shqetësim për biznesin dhe një pengesë reale për investime. Në një takim me Kreun e Agjencisë Shtetërore të Kadastrës, Dhoma Amerikane e Tregtisë e listoi zgjidhjen e çështjes së pronës si një prej pesë prioriteteve kryesore të punës së saj në Shqipëri.

Nga ana e tij, Lame pranoi se problematika e pronave mbetet thembra e Akilit për ekonominë shqiptare. Ai bëri një pasqyrë të gjatë të zhvillimeve që kanë shkaktuar problematikat dhe shpjegoi tre drejtimet kryesore ku po bazohet reforma e thellë në çështjen e pronës në vend.

Ato janë unifikimi i institucioneve dhe legjislacionit, mbyllja e proceseve tranzitore e dhe reformimi i plotë i zyrave të regjistrimit të pasurive. Në takim morën pjesë një numër i madha bankash tregtare, duke nënvizuar pengesat që sjell çështja e pronës në kreditimin e ekonomisë.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.