Pronari i klubit sportiv vendos t’i paguajë udhëtimin tifozëve për në finalen e Champions League

Tifozët e Manchester City që blejnë bileta për finalen e Champions League do t’i kenë të paguara shpenzimet e tyre të udhëtimit nga pronari miliarder i klubit. Shejh Mansour tha se ai bëri gjestin për të lehtësuar vështirësitë financiare të mbështetësve në mes të pandemisë COVID-19.

Vjen një muaj pasi klubi kërkoi falje për përfshirjen e tij në Superligën Europiane të shkëputur të diskutueshme. Klubi përballet me Chelsea në një finale krejt angleze në Porto, Portugali, të Shtunën, 29 maj.

Manchester City disponon 6,000 bileta për ndeshjen dhe tifozët që do t’i marrin ato do t’u ofrohet një vend në udhëtimin zyrtar të klubit. Mansour do të mbulojë shpenzimet e fluturimit dhe transferimit të ekskursionit 24-orësh.

“Mijëra mbështetës të City do të përfitojnë nga iniciativa e cila është krijuar për të lehtësuar presionin financiar ndaj tifozëve që janë përballur – dhe ende po përballen – me rrethana sfiduese për shkak të ndikimit të pandemisë Covid-19,” lexohet në një deklaratë të klubit.

“Duke ditur se si pandemia ka prekur të gjithë mbështetësit e Manchester City dhe ka krijuar një rritje në kostot e udhëtimit, Sheikh Mansour është përpjekur të heqë pengesën më të rëndësishme financiare për tifozët që marrin pjesë në finale.” (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.