Proteinat e gjetura në arra dhe fara reduktojnë me 40 % sëmundjet kardiovaskulare, tregon studimi
Një studim i fundit ka zbuluar se proteinat e gjetura në arra dhe fara janë shumë të dobishme për zemrën dhe lidhen drejtpërsëdrejti me një zemër të shëndetshme.
Por konsumimi i sasive të mëdha të proteinave të mishit mund të shkaktojë një rritje të mprehtë të rrezikut të sëmundjeve kardiovaskulare zbulon studimi.
Hulumtuesit nga Universiteti Loma Linda në SHBA dhe Instituti Kombëtar i Kërkimeve Agronomique në Francë studiuan të dhëna nga më shumë se 81,000 pjesëmarrës.
Studimi, i publikuar në Gazetën Ndërkombëtare të Epidemiologjisë, zbuloi se njerëzit që konsumonin sasi të mëdha të proteinave të mishit përjetuan një rritje prej 60 për qind të sëmundjeve kardiovaskulare, ndërsa njerëzit që konsumonin sasi të mëdha të proteinave nga arra dhe fara përjetuan një reduktim prej 40 për qind sëmundje kardiovaskulare.
Ky hulumtim ndryshonte në një mënyrë tjetër domethënëse nga hetimet e mëparshme.
Ndërsa studimet e mëparshme kanë ekzaminuar dallimet midis proteinave të kafshëve dhe bimëve, ky studim nuk u ndal në vetëm dy kategori, por zgjodhi të specifikonte proteinat e mishit dhe proteinat nga arra dhe fara së bashku me burime të tjera të mëdha dietike.
“Ky hulumtim është duke sugjeruar se ekziston më shumë heterogjenitet sesa vetëm kategorizimi binar i proteinave të bimëve apo proteinave shtazore”, tha Fraser.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.