Protesta jashtë “Westminster” – Britanikët janë ende të ndarë për marrëveshjen e Brexit
Turma të demonstruesve qëndruan jashtë Pallatit Westminster të Martën në mbrëmje, ndërkohë që parlamenti votoi marrëveshjen e Brexit të Theresa May. Ata ishin të ndarë, duke bërtitur dhe ngritur slogane që shkruanin “Brexit Tani!” dhe “Jo Brexit!.
“Nuk duam vonimin e Brexit. Ne zhvilluam një votë demokratike dhe do dalim më 29 Mars. Nuk ka arsye për të qëndruar në tregun e përbashkët, thjesht duam të dalim”, tha një nga protestuesit pro-Brexit.
Të tjerë thanë se votimi i ditës së Martë nuk do të sjellë ndonjë ndryshim, pavarësisht mbështetjes nga parlamenti. “Nuk është një vendim, pasi çfarëdolloj rezultati që të ketë, duhet mbështetja e Bashkimit Europian.
Nuk do të jetë fundi, kjo do të vazhdojë”, tha një protestues kundër Brexit. Theresa May i’u afrua arritjes së një marrëveshjeje për Brexit. Me një votim 317 pro/ 301 kundër, Theresa May mund të kthehet tashmë bë Bruksel që të kërkojë rihapjen e negociatave.
Kryeministrja tha se Qeveria Britanike po synon ndryshime ligjore ndaj marrëveshjes në lidhje me masën parandaluese të Irlandës së Veriut, që të shmanget ashpërsimi i kufijve. Britania pritet të dalë nga Bashkimi Europian më datë 29 Mars.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.