Protesta/ Kryeministri reagon sërish: Të diskutojmë që uljen e tarifave ta mbyllim para Vitit të Ri!
Protesta e studentëve vijon në dy vende të ndryshme, para ministrisë së Arsimit dhe para kryeministrisë ndërsa kreu i qeverisë ka reaguar sërish duke i ftuar studentët për t’u ulur e për të diskutuar mbi kërkesat. Në një postim në rrjetet sociale, kryeministri shkruan se 8 kërkesat e studentëve për të janë vetëm pikënisja e një fazë te re trasformimi të botës universitare,.
Reagimi i kryeministrit:
8 PIKAT janë për mua vetëm pikënisja e një faze të re transformimi të botës sonë universitare. Dhe këtë transformim mund, duhet e do ta bëjmë VETEM SE BASHKU, përmes një Pakti për Universitetin mes studentëve dhe qeverisë.
Adresimin e 8 PIKAVE duhet të nisim pa humbur kohë. Kemi punë për të bërë dhe nëse doni që uljen e tarifave ta mbyllim para pushimeve tuaja të Vitit të Ri, s’ka realisht minuta për të humbur me llogjet e kazanëve dhe rrugët shkencore të Doktorreshë Monës e të Profesor Lulit.
Unë jam gati dhe s’kam asnjë kusht, prandaj bëhuni mbarë e më çoni fjalë, kur e ku doni të takohemi. Përqafime dhe kurajo, sepse do ju duhet shumë kur ta kuptoni që kjo që keni nisur është ku e ku më e madhe, sesa ato 8 PIKA:-)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.