Protesta/ Nikolla: E gatshme për të marrë çdo përgjegjësi. Rama: Dialog për të hapur një kapitull të ri

Ministrja e Arsimit dhe Sportit Lindita Nikolla gjatë fjalës së saj në Parlament deklaroi se është e gatshme të marri çdo përgjegjësi. Ndërkohë i bëri ftesë studentët për të vazhduar këtë betejë të vështirë për të reformuar arsimin

“Reformuam mësuesinë, nxitëm formimin profesional, por koha do të flasë. Busulla e vetme për pranimet në Universitet, merita. Por koha do të flasë. Studentët kanë të drejtë, kanë ngritur shumë çështje. A janë sot e gjithë ditën ndryshime të mëdha sesi qeverisen studentët? E bërtas edhe unë: PO. Ligji i ri ka hapur një erë të re, por duhet zbatuar. Kërkon kohë për tu zbatuar. Askush nuk do të donte të ishte në vendin tim. Lindita Nikolla, dil nga Ministria, të thërrasin studentët dhe jo ushtria. Kam punuar çdo ditë. Të nderuar kolegë dhe kolegë, do ishte më e thjeshtë të administronim çdo gjë. Jam krenare për punën time. Zgjodha të jem në krye të një reforme sistemike nga kopshtet te universitet. Studentët kanë të drejtë. Ftesa për të vazhduar edhe një betejë tejet më të vështirë është drejt tyre. Unë e gatshme për të marrë çdo përgjegjësi”.

Kryeministri Edi Rama edhe sot këmbënguli se plotësimi i 8 kërkesave të studentëve kalon përmes një dialogu me ta.

 “Pikat ne jemi gati ti plotësojmë një për një por dialog me studentët. I falënderoj studentët për shuplakat që na kanë dhënë. Shuplaka te tilla na duhen për tu bere me te vetëdijshëm. Kërkoj dialog jo për të vonuar zgjidhjen apo për ta zgjatur pafund por për të hapur një kapitull. Të tetë pikat janë të realizueshme dhe ne jemi gati të realizojmë. Kjo sallë është në dispozicion për studentët. Opozita reale janë ata studentë që kanë vendosur të ngrenë krye kundër atij sistemi që i ka marrë peng dhe na kanë dhënë një shuplakë për të na shkundur dhe për të na bërë që ti hapim sytë më shumë dhe ti fokusojmë më shumë tek ajo që ndodh. Unë jam gati këtu e kudo që studentët duan të flasin me ta”.

Lexo edhe këtë: Rama: Protesta i dha një shuplakë qeverisë

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.