Protesta për Unazën e Madhe, Policia: Janë plagosur 12 efektivë, dy me dëmtime të rënda
Gjatë protestës që përshkallëzoi në akte dhune ndaj forcave të rendit, përballë godinës së sallave plenare të Kuvendit të Shqipërisë janë plagosur 12 efektivë të Policisë së Shtetit.
Efektivët janë lënduar me mjete të forta dhe piroteknike, hedhur nga tubuesit mbi punonjësit e Policisë, të cilët janë dërguar në spital për ndihmë të specializuar mjekësore, mes tyre dy me dëmtime më të rënda
Policia e Shtetit u bën thirrje protestuesve dhe përfaqësuesve politikë për distancim nga dhuna dhe nga goditjet ndaj punonjësve të rendit.
Nëpërmjet një statusi në twitter, ka reaguar kryeministri Rama, duke se shkruar se dhuna ndaj policëve s’do tolerohet.
“Dhuna ndaj policëve në emër të paligjshmërisë, s’do tolerohet! U bëj thirrje atyre që kanë dokumente prone a vetëm strehën pa leje: Distancohuni nga zaptuesit profesionistë dhe profesionistët e politikës qorre të shpifjeve e të rrëmujës! Merrni ç’ju jep ligji e largohuni nga rruga”.
Edhe kryebashkiaku Veliaj ka shprehur solidaritet ndaj efektivëve të plagosur.
“E gjithë Tirana e ndershme dhe e drejtë është në mbështetje të Policia e Shtetit e djemve dhe vajzave në uniformë! Shërim të shpejtë Komandant Dhimitraq Ziut dhe efektivëve të lënduar – keni gjithë solidaritetin e kryeqytetit! Ky vend nuk kthehet më pas nga salinjtë!
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.