Protestat në -50 Gradë celsius pas arrestimit të Navalny – 3 mijë të arrestuar, përleshje me policinë dhe dhunë në Rusi
Mijëra protestues në të gjithë Rusinë janë arrestuar pasi u mblodhën në qytete të shumta për të kërkuar lirimin e liderit të opozitës Alexei Navalny.
Të paktën 3,000 arrestime u raportuan të Shtunën në vende që shtriheshin nga Siberia në Moskë, sipas organizatës OVD-info që monitoron zhvillimet politike, pasi mijëra të tjerë demonstruan në temperatura të ulta -50C.
Midis të arrestuarve ishte dhe gruaja e Navalny Yulia, e cila ishte bashkuar me turmat në kryeqytet.
Videot në mediat sociale gjatë gjithë ditës treguan policinë duke luftuar me protestuesit në shumë prej 60 tubimeve të planifikuara. Në Bulevardin Strastnoy në Moskë, një luftë e madhe shpërtheu mes shkëmbimeve të grushteve, shtyrjeve dhe goditjeve me shkopinj.
Në Rrethin Tverskoy, gjithashtu në Moskë, katër oficerë policie u goditën me dhjetëra topa dëbore ndërsa mbanin nën kontroll rrugën ngjitur. Pamjet nga qyteti jugperëndimor i Kazan, ndërkohë, tregonin oficerë që ndiqnin protestuesit, duke i rrahur me shkopinj.
Demonstratat ishin planifikuar gjatë gjithë javës në përgjigje të arrestimit të Navalny të Dielën e kaluar. Ata shërbyen si një shembull i bazës së madhe të mbështetjes së aktivistit anti-korrupsion, madje edhe përballë një shtypjeje të qëndrueshme të qeverisë.
Navalny, i cili është kritiku më i shquar i Kremlinit, u arrestua në 17 Janar ndërsa mbërriti përsëri në Rusi pasi kaloi pesë muajt e fundit në Gjermani, duke u rikuperuar nga helmimi. Atij i ishte dhënë agjenti nervor vdekjeprurës Novichok në një akt që ai beson se ishte urdhëruar nga rivali i tij më i madh, Presidenti rus Vladimir Putin.
Pas arrestimit të tij, një gjyqtar e burgosi Navalny për 30 ditë për shkelje të kushteve të një dënimi bërë më 2014 për keq bërje financiare. 44-vjeçari pohon se çështja ishte e motivuar politikisht. Ai do të kthehet në gjykatë në shkurt për të zbuluar nëse do të vuajë dënimin prej tre vjetësh e gjysmë në burg.
Autoritetet ruse në mënyrë të përsëritur ishin përpjekur të zbusnin shpirtrat rreth protestave gjatë javës që vijoi, duke kontrolluar mediat sociale dhe paralajmëruar kundër veprime ligjore.
Për shembull, u bë presion në aplikacionin TikTok për të parandaluar që audiencat e reja të inkurajonin njëri-tjetrin për të marrë pjesë, ndërsa bashkëpunëtorët e Navalny në Moskë dhe gjetkë u arrestuan.
Përkrahësit e opozitës dhe gazetarët e pavarur u afruan nga oficerë policie dhe u paralajmëruan kundër pjesëmarrjes në demonstrata; universitetet dhe kolegjet kërcënuan masa disiplinore, përfshirë përjashtimin.
Dosti Banushi – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.