Protestat në Afganistan priten dhunshëm – OKB fajëson reagimin e talebanëve ndaj protestuesve
Organizata e Kombeve të Bashkuara ka fajësuar talebanin për reagimin e dhunshëm ndaj protestave, disa javë pasi grupi mori nën kontroll Afganistanin. Luftëtarët talebanë raportohet se kanë vrarë katër persona gjatë protestave, sipas organizatës. Banorët janë revoltuar në Afganistan që prej rënies së Kabulit më 15 Gusht, duke kërkuar respect për të drejtat e grave dhe liri më të mëdha. Talebanët kanë përdorur shkopa, kamzhikë dhe municione kundër protestuesve, sipas raportit të kombeve të Bashkuara.
“Ne i bëjmë thirrje Talibanit që të ndalojë menjëherë përdorimin e forcës kundrejt atyre që përdorin të drejtat për t’u mbledhur paqësisht, si dhe gazetarëve që mbulojnë protestat”– thanë një deklaratë për shtyp një zëdhënëse e komisioneres së lartë të Organizatës për të drejtat e njeriut. Talebanët u shpërndan në Afganistan në Gusht, duke zaptuar qendrat dhe Kabulin në më pak se 2 Javë.
Shtetet e Bashkuara më pas drejtuan fluturime nga aeroporti ndërkombëtar i kryeqytetit, duke evakuuar mbi 120,000 njerëz përpara se të tërhiqnin trupat e veta më 31 Gusht. Kontrolli i talebanëve vjen pas 2 dekadave të operacioneve ushtarake amerikane në Afganistan, pasi amerikanët dhe forcat aleate nxorrën grupin nga pushteti në vitin 2001, pas sulmeve të 11 Shtatorit. Shtetet e Bashkuar kanë shënuar 20 vjetorin e atyre sulmeve këtë fundjavë.
Klevis Llaha/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.