Protokolli i sigurisë kundër përhapjes së virusit – AKU bllokon 1 aktivitet dhe vendos masa administrative në 3 subjekte tregtare

Trupat inspektuese të Autoritetit Kombëtar të Ushqimit gjatë 24 orëve të fundit kanë kryer 502 inspektime dhe monitorime si pjesë e Task-Forcës Anti-Covid për të vështruar zbatimin e përpiktë të protokollit të sigurisë kundër përhapjes së virusit.

Sipas njoftimit gjate inspektimeve janë dhënë dy masa administrative në biznese ushqimore  për mosrealizim të detyrave të lëna gjithashtu një tjetër masë administrative  është dhënë në një biznes, për mungesë të kushteve higjieno-sanitare, si dhe është bërë bllokimi i subjektit deri në zbatim të gjithë detyrave të lëna nga trupa inspektuese.

AKU bën me dije se bazuar Planit të Marrjes së Mostrave, janë marrë 25 mostra për monitorim të  qumështit si dhe në fruta-perime për analizim të mbetjeve pesticide.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.