Provat optimiste – Edhe një dozë vaksine ul shanset për sëmundje të rëndë Covid, rezultate premtuese për çdo moshë
Provat reale nga programet e vaksinimit Covid në Angli dhe Skoci tregojnë se një dozë e vaksinës jep mbrojtje të lartë kundër sëmundjes dhe shtrimit në spital – dhe mbron edhe nga sëmundja e lehtë, pa asnjë simptomë tek të rinjtë.
Të dhënat e para të vërteta nga programet e vaksinimit masiv janë premtuese, dhe megjithëse rezultatet nuk përfshijnë prova që parandalojnë transmetimin plotësisht, ka të dhëna që tregojnë se po ndalojnë disa njerëz nga infektimi, gjë që do të ngadalësonte përhapjen e koronavirusit.
Tre studime arritën në përfundime të ngjashme pozitive në lidhje me mbrojtjen e ofruar nga vaksinat – një në Skoci dhe dy në Angli.
Në Angli, studimi i Siren në punëtorët e kujdesit shëndetësor nën 65 vjeç zbuloi se një dozë e vaksinës Pfizer / BioNTech uli rrezikun e kapjes së virusit me 70% – dhe 85% pas dozës së dytë. Punonjësit e kujdesit shëndetësor u testuan të gjithë për virusin çdo dy javë.
Instituti i Shëndeti Publik në Angli gjithashtu lëshoi rezultatet e testimit rutinë në moshën mbi 80 vjeç, të cilët janë në rrezik më të lartë të sëmuren rëndë dhe të vdesin nga Covid. Studimi zbuloi se 3 javë pas dozës së parë, vaksina Pfizer / BioNTech ishte 57% efektive kundër sëmundjes simptomatike, qoftë e lehtë apo më e rëndë. Megjithëse jo shumë njerëz kanë pasur një dozë të dytë, provat sugjeruan që efikasiteti u rrit në 85% tek ata që e kanë marrë.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.