Provimi i Shtetit, kandidatët që i nënshtrohen sot dhe nesër testimit. Dokumentet që duhet të kenë pjesëmarrësit
Publikohet lista e kandidatëve që i nënshtrohen sot dhe nesër Provimit të Shtetit. Testimi i kandidatëve do të zhvillohet në godinën e Agjencisë Kombëtare të Provimeve, ndërkohë që kandidati duhet të paraqitet në AKP, 30 minuta para fillimit të provimit të shtetit.
Këtij provimi ditë më parë i janë nënshtruar kandidatë nga profesionet e rregulluara të mjekut, farmacistit, stomatologut, mamisë, fizioterapistit, teknikut të imazherisë dhe teknikut të laboratorit.
Ditën e provimit kandidati duhet të jetë i pajisur me:
– letërnjoftim (Kartë ID ose Pasaportë) për pjesëmarrje në provimin e shtetit (dokumenti origjinal);
– kopje të Kartë ID ose Pasaportë;
– faturën e pagesës së tarifës së provimit të shtetit për llogari të AKP në një bankë të nivelit të dytë/postë (sipas faturës për arkëtim të publikuar në faqen zyrtare të AKP sipas herës së pjesëmarrjes);
– në rast ndryshimi të mbiemrit, kandidati të paraqesë certifikatën përkatëse që vërteton këtë ndryshim.
Për paraqitjen në qendrat e provimit, kandidati duhet të ketë parasysh rregullat e mëposhtme:
- ndalohet marrja me vete dhe përdorimi i celularëve dhe mjeteve të tjera të komunikimit gjatë zhvillimit të provimit, pasi kjo vlerësohet si kriter s’kualifikimi;
- ndalohet duhani dhe konsumimi i ushqimit në mjediset e provimit;
- ndalohet komunikimi gjatë zhvillimit të provimit.
Lista e plotë e kandidatëve që i nënshtrohen provimit në Infermieri dhe Logopedi.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.