Provimi i shtetit për mësuesit – Publikohen procedurat që duhet të ndjekin kandidatët për regjistrim

Të gjithë ata  persona  që kanë mbaruar studimet  për mësuesi dhe duan t’i nënshtrohen provimit të shteti  duhet të aplikojnë   paraprakisht  në  portalin qeveritar e-Albania, Aplikimi online per regjistrim kryhet deri ne 4  jave para fillimit te sezonit te provimit te shtetit.  Ministria e Arsimit  përmes urdhërit  të nxjerrë  sqaron se  Konfirmimi i aplikimeve online për pjesëmarrje në provimin e shtetit bëhet nëpërmjet Zyrës Vendore të Arsimit Parauniversitar, ku më pas verifikohen dhe pranohen nga Drejtoritë Rajonale te Arsimit Parauniversitar.

Kandidatët që do të pranohen në provimin e shtetit për profesionin e mësuesit janë të gjithë ata kandidatë që plotësojnë kriteret e parashikuara ne kuadrin ligjor dhe nënligjor në fuqi ndërsa sqaron se profili ku kandidati do tëregjistrohet për të dhënë provimin e shtetit në profesionin e rregulluar te mësuesit duhet të lidhet me programin e studimit te ciklit që ka përfunduar kandidati.

Ndërkohë,  Zyra Vendore e Arsimit Parauniversitar regjistron kandidatët për të dhënë provimin e shtetit në profesionin e rregulluar të mësuesit të cilët kanë kryer me sukses praktikën profesionale,  kanë rezultuar jo të suksesshëm në sezonet e kaluara, ata që nuk janë paraqitur në sezonet e mëparshme si edhe individët që janë në marrëdhënie pune dhe kanë përfunduar ciklin e dytë të studimeve të arsimit te lartë në fushën e mësuesisë. Aplikimet e kandidateve te pranuar nga DRAP-i kalojnë në sistem, brenda afatit të përcaktuar në këtë rregullore. Listat përfundimtare të kandidateve per provimin e shtetit ne profesionin e rregulluar te mësuesit publikohen  në faqen zyrtare të QSHA.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.