Pse auto-antitrupat favorizojnë zhvillimin e Covid në një formë të rëndë dhe fatale?!
Roli i autoantitrupave, antitrupave që kundërshtojnë elementët e sistemit imunitar, në infeksionin Covid është diskutuar prej muajsh. Një studim i botuar në Science Immunology konfirmon atë që është dyshuar për ca kohë, domethënë se autoantitrupat favorizojnë zhvillimin e covid në një formë të rëndë dhe fatale. Këto proteina vetë-sabotuese, të pranishme në një masë të vogël edhe në subjekte të shëndetshëm dhe jo të infektuar, rriten me moshën, dhe kjo do të shpjegonte pse Covid prek më shumë të moshuarit.
Sipas një studimi të botuar në Science tetorin e kaluar, rreth 10% e njerëzve që ishin infektuar me Covid në formë të rëndë kishin antitrupa që sulmonin dhe bllokonin interferonët e tipit 1, proteina të prodhuara nga qelizat për t’u mbrojtur kundër pushtimit të patogjenëve të jashtëm, siç është virusi covid. Studimi i ri përfshiu mbi 3.500 pacientë të ICU nga 38 vende, duke vënë në dukje se, mesatarisht, 13.6 % kishin autoantitrupa, me një përqindje më të ulët në moshën nën 40 vjeç (9.6%) dhe një përqindje më të lartë në moshat mbi 40 vjeç. 80 (21%). Nga të vdekurit, 18% kishin auto antitrupa.
Për të zbuluar më shumë, studiuesit pastaj analizuan gati 35,000 mostra gjaku nga njerëz të shëndetshëm, të mbledhura para fillimit të pandemisë: 0.18% e individëve midis 18 dhe 69 kishin autoantitrupa që bllokuan funksionimin e interferonit të tipit. 1, dhe kjo përqindje u rrit në 1.1% në njerëzit midis 70 dhe 79 vjeç, dhe në 3.4% në mbi 80.
“Këto të dhëna shpjegojnë në masë të madhe pse të moshuarit janë më të rrezikuar të preken nga covid në formë të rëndë”, shpjegon Jean-Laurent Casanova, koordinator i studimit. Gjetjet kanë implikime të qarta klinike: mund të ndihmojnë në identifikimin e njerëzve në rrezik për të zhvilluar infeksionin në një formë të rëndë dhe t’u sigurojë mjekëve ndihmë në zgjedhjen e trajtimeve më të përshtatshme për secilin pacient. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.