Pse dhe nga kush u vra presidenti i Haitit? Policia: Një skuadër ekzekutuesish erdhi nga jashtë vendit

Një skuadër ekzekutuesish, shumica ushtarë kolumbianë në rezervë, kanë vrarë presidentin e Haitit Jovenel Moïse pak ditë më parë. Ky është konkluzioni i policisë. “Grupi përfshinte 26 kolumbianë dhe 2 amerikanë me origjinë nga Haiti” ka deklaruar shefi i policisë së Haitit, Léon Charles.

8 nga të dyshuarit janë ende në arrati ndërsa 17, përfshirë 2 amerikanët, janë arrestuar.

Të dyshuarit e tjerë janë vrarë gjatë përleshjes me forcat e rendit në kryeqytetin, Port-au-Prince.

Pak ditë më parë një grup i armatosur u futën shtëpinë e presidentit dhe e qëlluan atë për vdekje, sëbashku me bashkëshorten e tij. Presidenti Moïse u gjet i vdekur me 12 plumba.

Ende nuk është e qartë se kush e planifikoi sulmin megjithatë sipas kryeministrit Claude Joseph,presidenti 53 vjeçar mund të jetë vënë në shënjestër sepse ai po luftonte ‘oligarkët’ në vend.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.