Pse Koronavirusi po ndikon në forcimin e Euros?!

Gjatë dy viteve të fundit, lajmet financiare të kursit të këmbimit euro/dollar kanë ofruar shumë pak ide në lidhje me arsyen. Kursi i këmbimit më i “tregtuar” në botë (me një vlerë ditore prej rreth 5 trilion dollarë) është luhatur mes 1.1 dhe 1.12. Prej disa muajsh tashmë, forcat që zakonisht veprojnë në kryqëzimin monetar midis dy zonave ekonomike (makroekonomike dhe asaj monetare) nuk kanë dhënë surpriza të mëdha dhe është reflektuar në një stabilitet të jashtëzakonshëm të vlerësimit.

Sidoqoftë, në seancat e fundit, euro regjistroi një kërcim të konsiderueshëm kundrejt dollarit, duke lëvizur nga niveli i ulët i periudhës në zonën 1.07 (20 shkurt) në 1.12 (3 Mars). Një hap prej pesë shifrash, siç e përcaktojnë ekspertët e tregut të valutave Forex, që nuk ka kaluar pa u vënë re.

Është e qartë se Koronavirusi, aktualisht pa vaksina dhe me një ndikim potencialisht global, luajti rolin e tij, si në shkëmbime, obligacione, gjithashtu edhe në monedha. Si ka ndikuar frika nga një zgjatje e epidemisë të Covid-19 tek euro?

“Shtytja e parë në rritjen e euros ndaj dollarit erdhi nga rritja e paqëndrueshmërisë në tregjet financiare, shpjegon Vincenzo Longo, strateg i Ig -. Kjo ka bërë që shumë operatorë të mbyllin kryerjen e operacioneve tregtare, me të cilat në kohë të paqëndrueshmërisë së ulët ata janë borxh në euro dhe investojnë në dollarë për shkak të diferencimit në normat midis dy zonave. Mbyllja e operacioneve të transportit, që nënkupton riblerjet e euros, i dha euros një shtysë të parë drejt rritjes”.

E dyta erdhi nga vendimi i Rezervës Federale (3 Mars) e cila i befasoi të gjithë duke ulur normat me 50 pikë bazë të jashtëzakonshme. Fed nuk kishte vepruar për 12 vjet, siç bëri më 3 mars, jashtë kalendarit të zakonshëm të emërimeve. Banka Qendrore e Shteteve të Bashkuara ka ulur koston e parave në intervalin 1 dhe 1.25%. Por kjo nuk është lëvizja e vetme që investitorët kanë pritur. Yield-et e obligacioneve të qeverisë amerikane, 2-vjeçare (të cilat ndërkohë kanë rënë në 0,63%, pothuajse 100 pikë bazë më pak se 1.57% në fillim të vitit) përfshijnë tashmë ulje të tjera për një total prej 50 pikë të tjera bazë.

Nga ana e saj, BQE nuk ka lëvizur ende asnjë gur dhe, objektivisht, ajo ka shumë më pak sesa Fed. Tregjet janë përgatitur për një ulje të normës prej 10 pikësh në depozitat nga -0.5% në -0.6%. Por duke qenë se normat tashmë janë kryesisht nën zero në këtë front, Banka Europiane ka rezervuar pak hapësirë ​​për manovrim përballë krizës tjetër.

Pra, nga një këndvështrim monetar, Fed ka më shumë hapësirë ​​për të zhvlerësuar dollarin sesa BQE, dhe kjo është parë qartë në seancat e fundit. Rritja e euros/dollarit është në mënyrë të kundërt proporcionale me trendin e përhapjes midis rendimenteve të titujve amerikanë dhe gjermanë (të cilat janë si pasqyra e manovrave të pritura nga bankat qendrore përkatëse). Në dy javë, që përkon me periudhën kur Koronavirusi u përhap si një ‘leopard’ nga Kina në planet, spread-i SHBA/Gjermani shkoi nga 206 pikë në 145. Ndërkohë që në të njëjtin interval kohor, euro/dollari u rrit me 5 shifra. (ilsole24ore)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.