Pse ky varietet çaji kushton më shumë se 184 mijë dollarë për kilogram?!

Artikulli më i çmuar në Glassbelly, një restorant i ri i fokusuar tek çaji në Hong Kong, është Niu Lan Keng Rougui, një varietet i rrallë çaji nga një luginë në malet Wuyi të Kinës. Kosto? 3,437 dollarë për 5 gram (1 porcion).

Çajrat e rrallë kanë qenë prej kohësh komandues me çmime të larta në Kinë. Ky nuk është një trend i ri. Ekzistojnë gjashtë lloje kryesore të çajit kinez: çaji jeshil, i bardhë, i verdhë, oolong, i zi dhe çaji i errët.

Secili prej tyre kategorizohet sipas mënyrës se si përpunohen gjethet dhe sa kohë janë fermentuar. Në secilën kategori, ka lloje të ndryshme çajrash të emërtuar për një sërë arsyesh. Mund të jetë vendi ku është korrur. Çaji Puerh, për shembull, mund të vijë vetëm nga disa vende në Yunnan. Gjethet janë gjithashtu të rëndësishme.

Mungesa e një sistemi standardizimi të njohur mirë kontribuon në konfuzionin e çmimeve. Krahasuar me verën ose kafenë, tregu është më pak transparent, duke e bërë më të vështirë për konsumatorët të dinë se sa duhet të kushtojë një lloj çaji i caktuar dhe pse.

Emri Glassbelly u frymëzua nga një personazh i lashtë gjysmë mitologjik kinez, Shennong (Fermeri Hyjnor). Sipas legjendës, Shennong kishte një bark të tejdukshëm. Për të ndihmuar botën të testojë përdorimin dhe toksicitetin e bimësisë, Shennong do të provonte çdo bar që haste dhe do të regjistronte se si ajo ndryshonte në trupin e tij, duke përfshirë çajin.

Disa nga çajrat janë aq të rrallë sa nuk ka çmim – gjethet nuk janë në shitje. Për shembull, pemët origjinale Da Hong Pao janë të mbrojtura nga shteti që do të thotë se ato nuk janë korrur për qëllime komerciale.

Çaji ka një efekt të ngjashëm si alkooli, por me padyshim më pak efekte anësore. Konsumimi i tepërt i çajit mund ta bëjë njeriun të relaksohet dhe të ndjehet kokë-lehtë: çaji i dehur. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.