Pse Porto është qyteti që duhet vizituar këtë vit
Duke lënë mënjanë lumin Duoro, Porto qyteti i dytë i Portugalisë, është një nga destinacionet më tërheqëse në Europë. Me një arkitekturë mesjetare, ura “Dom Luis I” si dhe kafenetë që janë aty, kanë gjithçka për çdokënd. Libraria “Lellp Bookshop” me peizazhet e brendshme të mrekullueshme, stacioni i trenit “Sao Bento” me 20.000 pllaka dekoruese janë disa nga copëzat historike për t’u vizituar. Ushqimet dhe gatimet tradicionale të marra nga marketet, sëbashku me kantinat e verës që shtrihen përgjatë portit dhe lumit Gaia, e bëjnë këtë qytet një nga vendet me shumëllojshmërinë më të madhe në Europë.
Një moment i rëndësishëm i qytetit është Hotel “Yeatman” i cili ka luajtur një rol tërheqës në qytet, e cila karakterizohet me bodrumet e gjera, shumëllojshmëri gastronomike njëkohësisht është një nga hotelet kryesore të Evropës për shumëllojshmërinë e kantinës së verës. Duke qenë i apasionuar pas verës portugeze Adrian Bridge, themeluesi i “Yetman” ka një projekt të ri si “Bota e Verës”, një hapësirë rreth 30.000 m2 dhe që përfshin një muze mbi historinë e Portos, një restorant dhe salla takimesh, e shoqëruar me 9 restorante të tjera, një muze dizenjo dhe arti, dyqane, si dhe një muze për të celebruar industrinë e tekstilit në Portugalinë Veriore. E gjitha kjo pritet të përfundojë brenda vitit 2020.
Përse e dashuron Adrian Brige këtë qytet?
“ Unë dashuroj faktin se Porto është i veçantë duke i treguar botës fytyrën e saj Romake dhe Mesjetare. Ka një histori të jashtëzakonshme dhe pse ka pasur mjaft ndryshime dhe rrënime gjatë shekullit të 20. Është kompakte, e sigurt dhe ka njerëz mikpritës, shumica e të cilëve flasin anglisht – portugalishja është një gjuhë e vështirë”.
Cilat janë gjërat më të mira rreth qytetit të Portos?
Ky është një nga momentet më të lavdishme të Portos pasi ne jemi duke shkruajtur historinë e së ardhmes të një qyteti antik i cili kthen në kohë faqen romake, dhe jam i nderuar të ndihmoj në këtë ndryshim. Gjithashtu, sharmi i këtij qyteti është infektues dhe lëshon energji. Unë mund të udhëtoj në shumë vende të botës dhe mund të kthehem lehtësisht në Porto për t’u “karikuar” dhe rifreskuar.
Cilat janë tre destinacionet që duhen vizituar në qytet dhe cila është rruga më e përdorur nga turistët?
Unë jetoj në pjesën jugore të lumit. Shpesh shëtis përgjatë bregut dhe është një mrekulli. Nëse ndjeheni energjik, mund të ngjisni 222 shkallë për tek kulla “Clerigos” dhe do të shpërbleheni me një pamje fantastike. Ka një dyqan të vogël e cila shet antipasta të vogla fantastike të quajtura “Pastais de Bacalhau”.
Na flisni më shumë për projektin 2020, si një nga instrumentat për ta vendosur Porton në majat e qyteteve më të vizituar në botë.
Kemi punuar shumë për të rritur interesin e këtij qyteti të jashtëzakonshëm. Sharmi vjen më shumë nga vetë njerëzit, ambienti, arkitektura dhe sensi i vërtetë i vendeve. Shumica e ndërtesave të rrënuara, të shkatërruara dhe vjetërsuara po rimëkëmben, nuk po shemben as nuk po zëvendësohen me arkitekturë të re. Turizmi është një biznes që ofron shumë vende pune, krijon respekt dhe krenari në popull për qytetin ku jetojnë.
“Fladgate Partnership” është mjaft e zënë duke sjell kualitet të veçantë për Porton, duke e ngritur atë në një vend të lartë në sytë e botës. Ne kemi qenë këtu përgjatë 325 viteve në Portin “Taylor”, dhe do të vazhdojmë ta përcjellim këtë trashëgimi brezave në vazhdim. Ne ndajmë portin tonë me 102 tregje anembanë botës, duke i sjellë banorëve të Portos një privilegj dhe nder të cilën ata e prekin dhe e jetojnë.
Ada Xhagolli/RTV SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.