Pse stresohen punonjësit në punë? – Këto janë arsyet kryesore!

Duke filluar nga orët e gjata e duke përfunduar te shefat e këqij janë një numër i madh problematikash që mund të shfaqen në vendin e punës.

Megjithatë nga të gjitha këto arsye shumica e punonjësve mendojnë se synimet e tyre të paqarta janë burimi më i madh i stresit të tyre.

Anketimi i më shumë se 10,000 meshkujve dhe femrave në industrinë e teknologjisë, faqja e punës Comparably zbuloi shkaktarët më të mëdhenj të stresit në punë.

Përveç udhëtimeve të gjata, kolegëve të vështirë, menaxherëve të këqij apo orarit të gjatë të punës, shumica e punonjësve thanë se ‘’qëllimet e paqarta’’ ishin aspekti më stresues në karrierat e tyre.

Në fakt, 42 për qind e punonjësve e pranuan se stresohen nga kjo pasiguri për synimeve që ata kanë, ndërkohë që 16 për qind e të intervistuarve votuan për menaxherin e keq ,14 për qind për kolegët jo bashkëpunues  Dhe një faktor i cili mendohej të ishte i pari por nuk fakt është renditur i treti është orari i zgjatur i punës i cili u votua me 12 për qind.

Në çdo departament brenda industrisë së teknologjisë, duke përfshirë administratën, inxhinierinë, marketingun dhe ligjin, përgjigja më e famshme për meshkujt dhe femrat ishte ‘’qëllimet e paqarta’’ si burimi primar i stresit në punë.

Edhe pse, për njerëzit e grup moshës 61-65, nuk ishin synimet e paqarta ajo cka i stresonte më shumë në punën  tyre por një menaxher i keq i cili i mban gjithë kohën nën trysni.  31 për qind e kësaj grup moshe ka votuar këtë përgjigje kur u pyetën se cili është faktori që ju streson më shumë në punën tuaj.

Në anën e kundërt, punonjësit e moshës 31-35 dhe punonjësit me Master kishin numrin më të lartë të pjesëmarrësve, 45 për qind të cilët pajtoheshin se qëllimet e paqarta ishin zonat më stresuese.

Njerëzit në karrierën e tyre të hershme gjithashtu stresohen më së shumti për definimin e qëllimeve të tyre, 44 për qind e punonjësve në vitin e parë, të dytë ose të tretë të punës thanë se qëllimet e paqarta ishin shkaktari më i lartë i stresit në punë.

 V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.