Pse “varianti britanik” i Covid-19 po tremb Europën? A mund të ndikojë te vaksinat? ANSA: Në Itali është konfirmuar rasti i parë  

Ai që është emërtuar si “varianti britanik” i Covid-19 ka ngritur shqetësime në mbarë botën. Ajo që është vërejtur në Britani është një përhapje më e shpejtë e virusit, gjë që ka detyruar shumë vende të Europës që të mbyllin kufinjtë me Britaninë. Mutacioni i virusit ka nisur të qarkullojë tashmë në kontinentin europian dhe ANSA raporton se tashmë në Itali është njoftuar konfirmimi i një personi pozitiv me variantin e ri.

“Pacienti dhe bashkëjetuesi i tij kanë hyrë në Itali nga Mbretëria e Bashkuar me një fluturim që ka mbërritur në aeroportin e Fiumicinos dhe janë në izolim duke ndjekur të gjtiha procedurat e përcaktuara nga ministria e Shëndetësisë” ka njoftuar ministria në një komunikatë.

“Por pavarësisht se hipotetizohet që këto mutacione të virusit mund të shtojnë transmetueshmërinë e tij, nuk duket se do të ketë ndikim në shtimin e agresivitetit dhe as në përgjigjen ndaj vaksinave” është shprehur drejtori i parandalimit nëministrinë e Shëndetësisë në Itali Gianni Rezza.

Varianti i hasur në javët e fundit në Britaninë e madhe është konfirmuar tashmë edhe në Holandë, Danimarkë, Australi e mbase edhe në Afrikën e Jugut.

“Është jashtë kontrollit, aq sa janë dyfishuar të prekurit në vetëm një javë” kanë konfirmuar autoritetet londineze. Organizata Botërore e Shëndetësisë ka bërë të ditur se është në kontakt të ngushtë me njerëzit e kryeministrit britanik Boris Johnson ndërsa u ka bërë thirrje autoriteteve europiane që të përforcojnë masate kontrollit dhe parandalimit të përhapjes së virusit.

Nuk është ende e thënë që virusi të jetë më vdekjeprurës, madje ka nga ata qëe përjahstojnë si mundësi. Sa i përket vaksinës, sipas universitetit të Oxfordit (që po punon për vaksinën me Astrazenecan) variant i ri nuk i shqetëson. Por për të evituar surprizat e këqija, kancelaritë europiane kanë nisur të izolojnë Britaninë e Madhe.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.