Pse vëllai i Boris Johnson dha dorëheqjen për herë të dytë nga i njëjti post?
Duke shtuar ndjesinë në rritje të kaosit që rrethon qeverinë e re në Mbretërinë e Bashkuar, ministri i shkencës Jo Johnson, vëllai i kryeministrit Boris Johnson, njoftoi përmes Tëitter të enjten se po jepte dorëheqjen. Nëpërmjet këtij publikimi ai tha së është “i copëtuar mes besnikërisë ndaj familjes dhe interesit kombëtar. “Është një tension dhe një kohë e papërballueshme që të tjerët të marrin rolin tim si deputet dhe ministër. “, shtoi ai.
Jo Johnson dha dorëheqjen nga i njëjti post në Janar 2018, pasi kundërshtoi planet për të ulur tarifat e shkollimit universitar, dhe më pas dha dorëheqjen tërësisht nga qeveria në shenjë proteste për një marrëveshje të Brexit, ku sipas të cilit kërkohej një zgjedhje midis “nënshtrimit dhe kaosit”. Në atë kohë, Jo Johnson mbrojti një referendum të dytë dhe tha se një Brexit pa marrëveshje “do të shkaktojë dëme të pashlyera për kombin tonë”.
Dorëheqja erdhi një ditë pasi kancelari i Mbretërisë së Bashkuar Sajid Javid konfirmoi planet për të mbledhur fonde R&D (kërkim dhe zhvillim) në vitin e parë të Mbretërisë së Bashkuar jashtë BE-së. Kjo përfshin 250 milion paund për të ngritur një laborator qendror për të aplikuar në mënyrë sistematike inteligjencën artificiale në Shërbimin Kombëtar të Shëndetit (NHS), 30 milion paund për të përmirësuar cilësinë e ajrit, mbrojtjen e biodiversitetit dhe gjetjen e mënyrave të reja për të ndihmuar në arritjen e emetimeve neto zero deri në vitin 2050. Për herë të parë që nga recesioni i vitit 2008, asnjë departament nuk do të pësojë ulje në kohë reale vitin e ardhshëm. Rritjet përfshijnë 1.8 miliardë dollarë shtesë për arsimin dhe 432 milion për të promovuar standardet mjedisore.
Partia kryesore e opozitës, Labor, kritikoi planet e shpenzimeve si “zgjedhje të vrazhda”, pasi bllokimi i vazhdueshëm mbi Brexit dhe humbja e shumicës së qeverisë bëri që kryeministri Boris Johnson të kërkonte një zgjedhje tjetër të përgjithshme, e treta e vendit në pesë vjet. Labor gjithashtu tha që qeveria nuk kishte marrë parasysh ndikimin që një Brexit pa marrëveshje do të ketë në 31 tetor në rritjen ekonomike.
Lënia e BE-së pa marrëveshje do të shihte ambiciet në planet e shpenzimeve “të llogariten për asgjë, dhe vendin të mbërthyer në një moçal pasigurie”, paralajmëroi grupi më i madh i biznesit në Mbretërinë e Bashkuar, Konfederata e Industrisë Britanike. (SB)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.