Publikohet lista përfundimtare e zgjedhësve, Doracaj: “Të drejtën e votës e kanë rreth 3,6 mln shtetas. Verifikoni emrat!”
Ministria e Brendshme ka publikuar listën përfundimtare të zgjedhësve, për zgjedhjet e përgjithshme të 25 prillit. Sipas Drejtorisë së Përgjithshme të Gjendjes Civile të drejtën e votës e kanë 3,588,869 shtetas shqiptarë, nga të cilët 107,024 zgjedhës votojnë për herë të parë. Ministria e Brendshme thekson se procesi i hartimit të listës përfundimtare të zgjedhësve është kryer nën mbikëqyrjen e auditëve teknicienë të Komisionit Qendror të Zgjedhësve.
“I gjithë ky proces i hartimit të listës përfundimtare të zgjedhësve është kryer nënë mbikëqyrjen nga auditët teknicine të KQZ në çdo etapë të tij. Auditët kanë pasur të njëjtin akses siç ka Drejtori i Gjendjes Civile në regjistrin kombëtar. Në vijim të komunikimeve për listën e zgjedhësve komunikojmë se ky proces ka kaluar në disa faza në zbatim të dekretit të Presidentit. ”
Drejtori i përgjithshëm i gjendjes civile, Bledar Doracaj ftoi qytetarët të verifikojnë emrin në listën e zgjedhësve nëpërmjet shërbimit online në portalin “e-albania” apo në njësitë administrative
“Çdo qytetar është i lutur të verifikojë emrin e tij në listë ne zgjedhësve në listën online në portalin e-albania dhe për çdo shqetësim është i lutur të verifikojë emrin e tij në listën e zgjedhësve përmes shërbimit online në portalin e-albania si dhe për çdo pretendim mund ti drejtohet zyrave të Gjendjes Civile në bashki dhe njësi administrative që do vijojnë të qëndrojnë të hapura nga e hëna në të shtunë. ”
Doracaj ftoj çdo qytetarët që u kanë skaduar afati i vlefshmërisë së dokumentave të identifikimit të aplikojnë për të pasur mundësi të ushtrojnë të drejtën e votes.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.