Puna jashtë orarit! Çfarë ndodh me performancën tuaj?
Motivimi, produktiviteti dhe efiçenca janë të gjitha elementë shumë të rëndësishëm në punën tuaj, por asnjëra prej tyre nuk duhet të ngatërrohet me punën jashtë orarit.
Puna jashtë orarit nuk do t’ju bëjë aspak produktiv por përkundrazi do t’ju nxjerr në pah ndjenja si lodhje, dhimbje kokë dhe dëshirën për të fjetur gjumë për orë të tëra.
Mos e bëni këtë gabim, orët e zgjatura në punë nuk do t’ju çojnë në asnjë vend. Është shumë e rëndësishme që gjatë një dite të keni kohë për aktivitete të ndryshme dhe jo vetëm të punoni.
Aktivitetet e tjera çlodhëse ju ndihmojnë për t’u çlodhur e për të qenë më produktivë në punën tuaj.
Por në fakt janë një sërë arsyesh pse nuk duhet të punoni me orar të zgjatur në punë:
- Puna është një proces i pafund
Kjo do të thotë se sado kohë të kaloni pas orarit të punës ju nuk do të arrini kur të përfundoni gjithçka. Përpiquni që ta shfrytëzoni kohën për të ndenjur më shumë me familjen tuaj, për të bërë gjëra që ju argëtojnë dhe ju heqin stresin e përditshëm. Vetëm në këtë mënyrë do të arrini të jeni të freskët e produktiv për ditën e nesërme.
- Interesi i një klienti është i rëndësishëm, por po kështu është edhe familja juaj
Familja juaj është shumë e rëndësishme dhe ndikon pa kuptuar në punën tuaj. Nëse ju kaloni kohë mjaftueshëm me familjen tuaj do të kuptoni se ata e pasurojnë jetën tuaj më shumë se ndonjë klient ndonjëherë.
- Jeta nuk ka të bëjë vetëm me punën
Puna është e rëndësishme por nuk rrotullohet gjithçka rreth punës. Në një rast keqkuptimi ose kur gjithçka të mos shkoja ashtu siç duhet do të shikoni se shefi juaj nuk do t’i marrë parasysh të gjitha rastet kur ju keni punuar fort dhe keni ndenjur pas pune por do t’ju gjykojë menjëherë për gabimin. Që të mos ndiheni të zhgënjyer në raste të tilla, mos qëndroni asnjëherë pas orarit.
- Ju nuk keni studiuar shumë për t’u shndërruar në një makineri
Në fakt duhet të ndodh komplet e kundërta. Ju keni studiuar dhe tashme duhet të ndiheni komod në punën tuaj. Ajo që ka më së shumti rëndësi është truri juaj dhe ajo që i ofroni punës, dhe jo oraret e zgjatura ku dhe produktiviteti juaj është në nivelet më të ulëta.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.