Punimet në rrjet – OSHEE: Zonat e Tiranës që do të mbeten pa energji në 22 gusht, në listë Ali Demi, Jordan Misja, Siri Kodra
Në kuadër të punimeve të vazhdueshme të Operatorit të Shpërndarjes së Energjisë Elektrike, me 22 gusht do të ketë ndërprerje të energjisë elektrike në 7 zona të Tiranës.
Këto zona, përkatësisht, ”Ali Demi”, “Xhanfize Keko” pranë shkollës “Hasan Prishtina”, “Halim Xhelo”, “Rruga Skenderbej” pranë Bllokut te Ambasadave, “Jordan Misja”, “Siri Kodra” dhe “Reshit Petrela” pranë Dispancerisë, do të kenë ndërprerje të dritave në fashën orare 09.00- 15.00.
Në njoftimin zyrtar, OSHEE bën me dije se do të kryhet rikonstruksioni i 8 kabinave elektrike dhe se zonat e lartpërmendura do të preken pjesërisht nga stakimi i energjisë elektrike.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.