Punonjësit akuzojnë “Amazon” – Kërcënohen me pushim nga puna, pasi folën për ndryshimet klimatike

Një grup punonjësish të “Amazon” deklaron se janë kërcënuar nga kompania me pushim nga puna nëse flasin publikisht kundër politikave mjedisore të Amazon.

Në një mesazh të postuar në rrjetet sociale, punonjësit e Amazon për drejtësinë mjedisore shprehen se disa punonjës janë kontaktuar nga përfaqësues të burimeve njerëzore dhe ligjore të kompanisë, në kundërshtim me rregullat e komunikimit.

Dy prej tyre pretendojnë se u është thënë se do të largoheshin nga pina në rast se vazhdonin të flisnin për këtë çështje.

E gjitha ka ndodhur pas daljes publike të dy punonjësve, Costa dhe Kowalski, në muajin Tetor. Grupimi pretendon gjithashtu se kompania ka ndryshuar rregulloren në Shtator, dhe sipas rregullores së re, punonjësit duhet të marrin aprovimin e kompanisë përpara se të dalin dhe të flasin publikisht duke u identifikuar si punonjës të Amazon.

Punonjës të shumtë të kompanisë prej kohësh kanë shtuar presionin për adresimin  e çështjes ambientale e ve֛çanërisht ndryshimit klimatik.

Madje, në muajin Maj, mijëra punonjës nënshkruan një propozim, ku i kërkojnë Jeff Bezos të zhvillonte një plan për ndryshimet klimatike dhe të ulte emetimin e karbonit, që më pas u refuzuar.

Në Shtator, Bezos deklaroi se brenda 2030-ës kompania do bazohet vetëm te burimet e rinovueshme dhe se brenda 2040-ës nuk do të emetojë më karbon.

Pavarësisht kësaj, të nesërmen e njoftimit të Bezos, rreth 1000 punonjës të Amazon morën pjesë në protestën globale të klimës duke protestuar edhe kundër politikave të klimës së Amazon.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.