Punonjësit më të pakënaqur? – Me paga nën 30 mijë lekë, “lumturia” arrin mbi 100 mijë lekë në muaj

Paga është një ndër arsyet kryesore që ndikon në pakënaqësinë e punonjësve kundrejt punëdhënësve të tyre, rrjedhimisht dhe në motivimin për pune.

Të dhënat e sondazhit mbi kënaqësinë dhe angazhimin në punë për vitin 2019, tregojnë se ndër grupet më të pakënaqura, 79 për qind, e përbëjnë ata me pagë më më të ulët se 30 mijë lekë në muaj.

68 për qind e të pyeturve që përfshihet në grupet e pakënaqura, janë të punësuarit me kohë të pjesshme, gjë që rrjedhimisht ndikon edhe në pagesën e tyre.

64 për qind janë ata punonjës që kanë 2-6 vite punë, çka lidhet me mungesën e eksperiencës, ndërsa si grupmoshë, 62 për qind e 30-39 vjeçarëve rezultojnë të pakënaqur nga ambienti i punës.

Nga ana tjetër, ndër grupet më të kënaqur, pjesën me të madhe me 62 për qind e zënë ata individë që kanë paga mbi 100 mijë lekë në muaj, të vetëpunësuarit, pra ata që kanë biznesin e tyre dhe nuk japin llogari tek një epror me 43 për qind, qytetarët që kanë 6-10 vite pune dhe kjo lidhet me eksperiencën dhe të qënurit me i aftë me 45 për qind,  si dhe ata që janë mbi 40 vjeç.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.