Pushimet në Turqi rriten, ndërsa lira shënon nivelin më të ulët kundrejt paundit
Të shkosh me pushime në Turqi është me të vërtetë lirë, si pasojë e rënies së lirës prej 34 % gjatë vitit të kaluar duke goditur nivelin më të ulët kundrejt paundit. Pushuesit, tashmë do të këmbejnë 697 lira për 100 paund, krahasuar me 460 vitin e kaluar, bëri të ditur gazeta e përditshme britanike The Guardian.
Rënia e lirës vjen ndërsa paundi ra në nivelin më të ulët kundrejt euros dhe dollarit amerikan këtë vit. “Është koha më e përshtatshme për të udhëtuar drejt Turqisë, pasi lira ka rënë kundrejt paundit duke bërë që pushuesit të largohen nga udhëtimet jashtë vendit, ka shumë oferta me çmime të arsyeshme, kështu që kjo është koha më e përshtatshme për të bërë pushime në Turqi, “ u shpreh Anth Mooney i Thomas Cook Money, i cili gjithashtu këshillon ata që të planifikojnë një udhëtim në Turqi për të përfituar nga normat duke ngarkuar një kartë të parapaguar me lira.
Kompania ka raportuar një rritje prej 63% në rezervimet e saj të pushimeve në Turqi këtë vit, ndërsa Antalia la pas vëndet si Palma de Mallorca të Spanjës. Kjo ndodh si rezultat e rimëkëmbjes për turizmin në Turqi pas një sërë sulmesh terroriste në vitin 2016.
Thomas Cook thotë se vendi tashmë ka numrin më të madh të klientëve të kthyer, duke e bërë atë një “destinacion të jashtëzakonshëm për verën e vitit 2018”. Operatorët turistikë kanë raportuar gjithashtu një rritje në vendet e tjera jo EU në 2018, duke përfshirë Egjiptin, deri në 80% këtë vit dhe Bullgarinë, me 30%.
Tunizia ka tejkaluar pritjet – pas sulmeve terroriste në 2015 – duke bërë që Thomas Cook Airlines të rrisë numrin e fluturimeve nga 11 destinacione në javë këtë verë. TUI gjithashtu e rendit Turqinë si një destinacioni më i mirë dhe më i preferuar nga turistët në Mbretërinë e Bashkuar këtë verë: ajo renditet e treta pas Spanjës dhe Greqisë, në vendin e katërt renditet Italia dhe në vendin e pestë Qipro.
Rënia e lirës vjen pas rritjes së tensionit midis Turqisë dhe SHBA, pasi administrata e Donald Trump njoftoi se po shqyrtonte qasjen pa taksa të vendit në tregun e SHBA, gjë që mund të ndikojë në tatimin mbi 1.7 miliardë dollarë të eksporteve turke.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.