Putin: “Rusia mund të ketë nevojë për ushtrinë për të ndihmuar në luftimin e koronavirusit”
Presidenti Vladimir Putin tha se Rusia mund të ketë nevojë për ushtrinë për të ndihmuar në trajtimin e krizës së koronavirusit dhe paralajmëroi se situata po përkeqësohej pasi numri i rasteve të konfirmuara u rrit ndjeshëm.
Rusia raportoi 2,558 raste të reja të hënën, duke e çuar numrin e përgjithshëm mbarëkombëtar në 18,328. Tetëmbëdhjetë njerëz të diagnostikuar me virusin vdiqën gjatë natës, duke e shtyrë numrin e vdekjeve në 148. Megjithëse në rritje, numri i vdekjeve mbetet për tani shumë më i ulët se vendet si Shtetet e Bashkuara dhe Italia.
Moska, zona më e goditur dhe disa rajone të tjera kanë imponuar një bllokim, duke urdhëruar banorët të qëndrojnë në shtëpi përveçse të blejnë ushqim, të kërkojnë trajtim urgjent mjekësor, të heqin mbeturinat ose të shkojnë në punë nëse është absolutisht e nevojshme.
Putini u tha zyrtarëve në një takim televiziv të mbajtur me video direkte për të konsideruar përdorimin e ushtrisë për të ndihmuar në zgjidhjen e krizës.
“Ju duhet ta përdorni këtë përvojë, natyrisht, dhe të keni parasysh se të gjitha këto mundësi, përfshirë opsionet e ministrisë së mbrojtjes, nëse është e nevojshme, mund dhe duhet të përfshihen këtu”, tha Putin.
Putini u tha zyrtarëve se burimet e shfaqura nga ushtria ishin “vetëm një pjesë e asaj që ka Ministria e Mbrojtjes” dhe se “rezervat kryesore janë ende në rezervë, kështu që ju duhet ta mbani mend këtë”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.