Putin vendos të “karantinohet” në Kremlin deri në 2036 / Ndryshimet e reja kushtetuese i lejojnë atij të rikandidojë edhe 2 mandate të tjera
Presidenti Vladimir Putin i ka kërkuar zyrtarisht Gjykatës Kushtetuese të Rusisë nëse është e ligjshme që ai të ndryshojë kushtetutën, një veprim që mund ta lejojë atë të mbetet në pushtet deri në vitin 2036.
Në janar, Putin tronditi politikën ruse duke publikuar një rregullim kushtetues, i cili do t’i lejojë edhe dy mandate të tjera në fuqi Putinit.
Putini, 67 vjeç, i cili ka dominuar peizazhin politik të Rusisë për dy dekada si president apo kryeministër, bëri një paraqitje dramatike në parlament më 10 mars për të mbështetur një ndryshim të ri që do t’i lejonte atij të injoronte një ndalim kushtetues aktual për të kandiduar përsëri në 2024.
Ndërhyrja e Putinit ngriti mundësinë e shërbimit të tij edhe me dy mandate gjashtë vjeçare radhazi pas vitit 2024, megjithëse Kremlin thekson se Putini nuk ka thënë ende nëse ai do të kandidojë përsëri në 2024.
Kremlin tha në një deklaratë se Putin kishte nënshkruar ndryshimet kushtetuese pasi ato u miratuan nga të dy shtëpitë e parlamentit të vendit dhe nga parlamentet rajonalë.
Gjykata kushtetuese tani duhet të vendosë nëse ndryshimet janë të ligjshme.
D.B: SCAN
Burimi: THE GUARDIAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.