Putin dërgon pajisje mjekësore për të ndihmuar SHBA-në të luftojnë koronavirusin
Rusia po dërgon pajisjet mjekësore drejt Shteteve të Bashkuara për të ndihmuar në luftimin e shpërthimit të koronavirusit, raportoi agjensia e lajmeve Interfax, duke cituar zëdhënësin e Kremlinit Dmitry Peskov.
Presidenti Vladimir Putin e bëri propozimin në një bisedë telefonike me Presidentin Donald Trump, kur ata diskutuan koronavirusin dhe tregjet e naftës, duke i drejtuar ministrat e tyre të energjisë të flasin.
“Trump e pranoi me mirënjohje këtë ndihmë humanitare,” citoi Interfax të thoshte Peskov. Një avion rus me pajisje mjekësore dhe mbrojtëse do të niset për në Shtetet e Bashkuara.
Gjendja e marrëdhënieve midis Moskës dhe Uashingtonit ka qenë e ndërlikuar vitet e fundit për shkak të sanksioneve amerikane ndaj disa prej kompanive ruse në përgjigje të aneksimit të Rusisë së Krimesë në vitin 2014 dhe mbështetjes ruse për separatistët në lindje të Ukrainës, midis tensioneve të tjera.
Uashingtoni ka thënë që Trump dhe Putin ranë dakord në thirrje se ishte e rëndësishme për të stabilizuar tregjet globale të energjisë. Kjo ndihmoi për të mbajtur të qëndrueshëm çmimet e naftës, të cilat janë ende afër 18-vjeçare, ndërsa koronavirusi godet kërkesën globale. (Reuters)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.