PWC Albania-Anketimi i CEO-ve! Opinioni i drejtuesve në Shqipëri mbi klimën e biznesit
Kompania e mirënjohur ndërkombëtare dhe lidere ne shërbimet e konsulencës, PricewaterhouseCoopers Albania, zhvilloi për të dytin vit radhazi në Shqipëri prezantimin e rezultateve të anketimit të drejtuesve të kompanive që operojnë në Shqipëri. Ne event morën pjesë më shumë se 50 drejtues të kompanive lokale e ndërkombëtare, përfaqësues të sektorit publik dhe atij privat.
Prej më shumë se 2o vitesh, PricewaterhouseCoopers zhvillon këtë anketim në nivel global me liderët e kompanive ku ata japin opinionin e tyre në lidhje me klimën e biznesit, arritjet e vitit dhe sfidat operacionale në nivel afat shkurtër dhe afat mesëm. Këto rezultate prezantohen çdo fillim viti, gjatë muajit janar në Forumin Botëror Ekonomik që mbahet në Davos të Zvicrës.
Për Shqipërinë, ky ishte viti i dytë ku në anketim u përfshinë dhe drejtuesit e kompanive të mirënjohura cilët patën mundësinë të ndanin opinionin e tyre mbi klimën, besimin, sfidat e biznesit, mjedisin ekonomik, politik dhe social, sfidat për mbajtjen e talenteve, zhvillimi në një mjedis konkurrues si dhe përshtatja në një treg gjithnjë e më shumë të orientuar drejt teknologjisë.
Gjatë këtij eventi, CEO-t dhe drejtuesit e kompanive në Shqipëri patën mundësi të informohen dhe të krahasojnë rezultatet këtij anketimi në nivel botëror/rajonal me atë lokal.
Pas prezantimit të raportit dhe gjetjeve, të ftuarit diskutuan mes të tjerash mbi pritshmëritë në lidhje me rritjen ekonomike, marrëdhëniet tregtare, mbrojtjen dhe përdorimin më së miri i të dhënave apo informacionit që kompanitë disponojnë, përgatitjen e të rinjve për tregun e punës, nevojën për kualifikim të vazhdueshëm të burimeve njerëzore si dhe sfidat e biznesit në shfrytëzimin më së miri të risive në teknologji si dhe qasja ndaj Inteligjencës Artificiale.
Bazuar në rezultatet këtij anketimi një nga mesazhet kryesore që doli në pah është fakti që pavarësisht trendit në rënie në nivel global, ka një pritshmëri pozitive midis drejtueseve Shqiptar në lidhje me rritjen ekonomike në 12 muajt e ardhshëm, ku me optimistet shfaqen drejtuesit e bankave apo institucioneve të tjera financiare.
Për vitin 2019, ashtu si drejtuesit ndërkombëtarë edhe drejtuesit në Shqipëri, kanë të njëjtën strategji zhvillimi duke u fokusuar në eficencen operacionale dhe përmirësimin e procedurave të tyre të brendshme, mundësi e rritjes apo zhvillimit organik si edhe prezantimin e produkteve të reja ne treg.
Drejtuesit e biznesit në Shqipëri vazhdojnë të jenë shume të fokusuar në burimet e tyre njerëzore duke pare si shqetësim kryesor jo vetëm automatizimin e proceseve por dhe mungesën e kualifikimit dhe nevojës së vazhdueshme për tu trajnuar apo zhvilluar profesionalisht.
Konfliktet tregtare në rritje gjatë viteve të fundit janë një nga shqetësimet kryesore të drejtuesve ndërkombëtarë ndërkohë që pritshmëritë e drejtuesve në Shqipëri vazhdojnë të mbeten konsolidimi i marrëdhënieve me partneret tradicionalë në rajon dhe jo vetëm.
Ky anketim dhe rezultatet e tij vlerësohen si të rëndësishme për drejtuesit në Shqipëri për të matur besimin në treg dhe pritshmërinë ndaj zhvillimit ekonomik.
Organizatoret e këtij anketimi, PricewaterhouseCoopers Albania, pjesë e rrjetit global të firmave të PwC, operon në Shqipëri si kudo në botë, duke ofruar shërbime profesionale ne fushën e konsulencës, taksave dhe auditimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.