Pyetjet më të kërkuara në Google – Ja çfarë kërkojnë njerëzit vërtet të dinë
Motori i kërkimit Google nxori së fundmi një listë me pyetjet “si të” më të kërkuara në botë. Këto të dhëna mund të tregojnë shumë për mënyrën se si njerëzimi sheh bukurinë, argëtimin dhe përvojën e jetës. Ja lista globale:
- Si të lidhësh një kravatë?
- Si të puthësh?
- Si të mbetesh shtatzënë?
- Si të humbasësh peshë?
- Si të vizatosh?
- Si të fitosh para?
- Si të bësh petulla?
- Si të shkruash një letër kopertine?
- Si të bësh tost francez?
- Si të heqësh dhjamin e barkut?
Google i vizualizoi pyetjet e ndara edhe sipas kategorive. Kështu, në kategorinë e dashurisë, kurioziteti më i madh është për të mësuar të puthësh siç duhet, ndjekur nga të ngelurit shtatzanë dhe të mësuarit të dashurosh.
Në një kategori u grupuan edhe sendet që do donim të rregullonim në shtëpitë tona. Shqipëria ndjek në këtë rast mesataren botërore, duke kërkuar, nga më e shpeshta tek më e rralla: murin, derën, dritaren, lavatriçen, frigoriferin, tualetin, poçin, prizën e deri tek lavamani.
Ndërkohë, sipas temave, gjërat më të kërkuara janë:
Gatimi – Si të bësh petulla, Si të bësh tost francez, si të ziesh vezë, si të bësh pica
Serioze – Si të bësh para, si të shkruash një letër kopertine, si të shkruash një CV, si të marrësh një pasaportë
Argëtim – Si të lidhësh kravatën, si të vizatosh, si të vizatosh një trëndafil, si të luash kitarën, si të zgjidhësh një kub rubix
Shëndeti – Si të humbasësh peshë, si të heqësh dhjamin e barkut, si të shtosh peshë, si të heqësh aknet, si të heqësh strijat
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.