Qendra e Shërbimeve Arsimore – Hyn në fuqi vendimi, më shumë kontribut në politikat arsimore
Agjencia Kombëtare e Provimeve tashmë do të quhet “Qendra e Shërbimeve Arsimore”. Kjo qendër krahas mbikëqyrjes së problemeve në reformën arsimore, ofron kontribut në hartimin e politikave arsimore dhe analizon rezultatet e provimeve kombëtare.
“Qendra e Shërbimeve Arsimore” organizon dhe administron Provimin e Shtetit, që zhvillohet përmes teknologjisë digjitale, si edhe krijon bazën shtetërore të të dhënave për kandidatët e regjistruar në Provimin e Shtetit. Digjitalizon fondet e pyetjeve të miratuara nga komisionet e Provimit të Shtetit dhe e zhvillon këtë provim, përmes teknologjisë digjitale. Administron bazën e të dhënave për arsimin parauniversitar si edhe kontribuon në hartimin e akteve ligjore dhe nënligjore, të cilat janë pjesë e objektit të veprimtarisë së saj.”
Pas botimit në Fletoren Zyrtarë, ky vendim hyn në fuqi. Këshilli i Ministrave ngarkon Ministrinë e Arsimit dhe Sportit, atë të Financave dhe Qendrën e Shërbimeve Arsimore për zbatimin e këtij vendimi.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.