Qendrat më të mëdha financiare – Londra mbetet në vend të parë pavarësisht ndikimeve të Brexit
Londra mbetet qendra financiare më e madhe e botës, tregon renditja vjetore e qendrave financiare më të mëdha nga revista “Bankieri”, pjesë e grupit Financial Times.
Londra vazhdon të tërheqë dhe gjenerojë, numrin më të lartë projekteve për investimet e huaja direkte në shërbimet financiare.
Vendi mban volumin më të madh të letrave me vlerë ndërkombëtare të borxhit ($2946mld) dhe ka një raport prej 19% të listimeve të huaja kundrejt totalit në tregun e aksioneve.
Për më tepër, rrjeti i shërbimeve financiare po zgjerohet, ndërkohë që 1208 firma të reja kanë nisur operacionet në vitin e fundit, duke e çuar totalin në 49,185. Në vendin e dytë, New Yorku vazhdon të surprizojë me përmasën e tregjeve të kapitalit dhe përfitueshmërinë e bankave.
11 bankat më të mëdha të New Yorkut, të përfshira në raportin e vitit 2017 për 1,000 bankat kryesore në botë, e mbyllën vitin 2016 me një fitim përpara taksave prej 88.68 miliardë dollarë, një shifër 4 herë më e madhe se e Londrës.
Singapori pati performancë të fortë gjithashtu, duke kaluar Hong Kongun dhe zënë vendin e tretë.
Një ndër cilësitë e Singaporit është mjedisi me cilësi të lartë rregullator, apo më i miri në të gjithë Qendrat Financiare Ndërkombëtare, tregojnë të dhënat e Bankës Botërore.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.