“Qëndroni në Meksikë” – SHBA dyfishon numrin e azil-kërkuesve që kthen në kufi
Shtetet e Bashkuara kanë dyfishuar numrin e azilkërkuesve që kthen mbrapsht çdo ditë në Meksikë nga El Paso, Texas. Kjo përbën shenjën e parë të aksionit, pas arritjes së një marrëveshjeje javën e kaluar për të shmangur tarifat tregtare. Nën presion nga presidenti amerikan, Donald Trump, Meksika ra dakord më 7 Qershor që të fuqizojë programin “Qëndroni më Meksikë”, që detyron kthimin e azilkërkuesve mbrapsht. Programi “Qëndroni në Meksikë”, operon aktualisht në Tijuana, Mexicali dhe Cuidad Juarez.
Thuajse 12 mijë persona janë kthyer në Meksikë që kur nisi, në muajin Janar. Marrëveshja ka vendosur nën presion zyrtarët meksikanë, që të arrijnë rezultatet. Kreu i Institutit Kombëtar të Emigrimit në Meksikë, Tonatiuh Guillen, dha dorëheqjen javën e kaluar, duke përmendur “arsye personale”. Nëse masat nuk janë të suksesshme për 45 ditë, Meksika ka rënë gjithashtu dakord që të kthehet në një “vend të tretë të sigurt”. Azilkërkuesit që shkelin fillimisht në tokën meksikane, do të duhet të aplikojnë për status refugjati në Meksikë, në vend të Shteteve të Bashkuara.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.