Qeni hyn në stacionin e policisë për të denoncuar veten si të humbur!
Në orët e para të mëngjesit një vizitor i papritur hyri në dyert e departamentit të policisë në Odessa në Teksas dhe u ngjit mbi banak: një qen hyri në stacionin policor me dëshirën për t’u bërë të ditur oficerëve se kishte humbur!
Atë e mori rreshteri Rusty Martin që ka treguar se si qeni nuk dukej shumë në ankth për statusin e tij “I humbur”. Për më shumë, dukej se po përjetonte një moment lumturie.
“Ishim të gjithë entuziastë që e kishim në godinë. Kishim një top tenisi dhe e luajtëm me qenin për pak kohë. Të gjithë e adhuronim” u shpreh Martin, shkruan “La Stampa”. Pavarësisht argëtimit, agjentët nuk e harruan detyrën që kishin dhe u vendosën menjëherë në punë për të zgjidhur rastin: nga ku kishte ikur ky qen? Kërkimi hasi menjëherë disa pengesa: qeni kishte një kollare por që i kishte rënë medalja identifikuese. Kështu,policët vendosën që të thërrasin kontrollin e kafshëve për të verifikuar nëse qeni kishte ndonjë mikroçip.
Por për zgjidhjen e çështjes kishte menduar vetë qeni: para se të vinin funksionarët e kontrollit të kafshëve, qeni vendosi që ishte ora që të kthehej në shtëpi, vetë.
“Doli nga stacioni ynë me të njëjtën shpejtësi me të cilën hyri. Pronari na shkruajti në rrjetet sociale ditën e nesërme për të na njoftuar se qeni Chico ishte kthyer në shtëpi. Dhe që jetonte vetëm 1 kilometër e gjysëm nga stacioni i policisë. Një ditë e këndshme si për qenin ashtu edhe për policët” shkruan Martin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.