Qentë e policisë dalin në ankand me 4 prill! Çmimet nga 4-7.500 lekë, 3 kriteret për të marrë pjesë  

Në datën 4 mars, në Drejtorinë e Drejtimit të Pronës Publike është parashikuar të zhvillohet ankandi për shitjen e 7 qenve që janë në administrim të Institutit të Përgatitjes së Qenve të Policisë në Tiranë. Çmimet variojnë nga 4.000 deri në 7.500 lekë dhe ankandet janë planifikuar të nisin në orën 9 e të zgjasin deri në orën 12.

Çdo person fizik apo juridik i interesuar për blerje duhet të paraqesë në vendin, datën dhe orën e njoftuar pranë komisionit të ankandit dokumentacionin si më poshtë:

1. Kërkesë me shkrim për blerje e regjistruar pranë protokollit të Ministrisë së Financave dhe Ekonomisë.
2. Garancinë bankare apo mandatpagesën në origjinal, që vërteton ngurtësimin e 20% të vlerës së fillimit të ankandit, në lekë për llogari të Ministrisë së Financave dhe Ekonomisë.
3. Dokument identifikimi (pasaportë biometrike ose letërnjoftim).

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.