Qepa mund të rrëzojë qeverinë! – Indi, çmimet bien me 86%, 1.4 cent për kg

Kolapsi i çmimit të qepës në Indi mund të rezultojë në një kosto të lartë elektorale për kryeministrin e vendit, Narendra Modi.  Çmimi i qepës dhe i patates në vend ka rënë në mënyrë drastike gjatë javëve të fundit duke goditur rëndë ekonominë e vendit, sidomos zonat rurale. Këto dy produkte nga ana tjetër janë edhe ndër ushqimet bazë për popullsinë 1.3 miliardëshe të Indisë. Çmimet kanë rënë me 86%. Për këtë arsye, zemërata mes fermerëve është mjaft e madhe.

Pjesa dërrmuese e tyre shprehen se nuk kanë ndërmend ta votojnë më Modin në zgjedhjet e vitit të ardhshëm. S’duhet harruar fakti se në vitin 1998, rënia e ndjeshme e çmimit të qepës prodhoi një rënie të qeverisë.  Ndikim të madh ka pasur edhe në vitin 1980, pasi prodhoi një politikë të re në vend. Ndërkohë, protestat e fermerëve në vend vazhdojnë.

Çmimi tashmë ka zbritur në 1.4 cent për kilogram, ndërkohë që kosto e prodhimit është plot 8 herë më e lartë. Madje, nga çmimet e ulëta pritet të mos përfitojnë as konsumatorët pasi fermerët kanë shkurtuar ndjeshëm prodhimin.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.