Qeveri tjetër teknike? – “Lind” koalicioni opozitar, 10 kushte për të hyrë në zgjedhje

Partia Demokratike dhe  aleatët e saj kanë hedhur hapin e radhës përballë mazhorancës, duke krijuar koalicionin e Bashkuar Opozitar dhe Qytetar, me qëllim mbarëvajtjen e zgjedhjet e ardhshme në vend.

Marrëveshja me 10 pika e opozitarëve, synon krijimin e një qeverie tranzitore që do krijonte kushte për zgjedhje të lira dhe të ndershme, ndërsa specifikon edhe elementë të tjerë që shpjegojnë ndërmarrjen e këtij hapi. Kriza politike, kriza ekonomike, përfshi papunësinë, varfërinë ekstreme, pasigurinë për jetën e pronën si dhe braktisja e vendit janë disa prej arsyeve.

Arsye të tjera të cilat janë zbardhur në marrëveshje janë humbja totale të besimit të qytetarëve tek forca e shtetit, mungesa e vëmendjes nga Qeveria ndaj problemeve të përditshme të qytetarëve, duke nënvizuar këtu edhe korrupsionin në rritje, lidhjet e politikës me krimin, zgjedhjet e deformuara.

Në draft thuhet se partitë nënshkruese të këtij Koalicioni do të regjistrohen në zgjedhje vetëm pasi të jenë krijuar kushtet për zgjedhje të lira dhe të ndershme.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.