Qeveria dhe opozita debat ‘të ashpër’ mbi 1.2 milionë maska të skaduara. PD kërkon hetim penal

Partia Demokratike denoncoi se qeveria ka shpërndarë 1.2 milionë maska të skaduara për mjekët duke rrezikuar jetën e tyre para koronavirusit.

 Madje PD ka kërkuar nga prokuroria të nis hetimet në lidhje me këtë ngjarje. I menjëhershëm ka qenë dhe reagimi i kryeministri Rama, i cili u shpreh se maskat kanë ardhur nga Kanadaja për një OFJ shqiptare, që nuk i mori se nuk pagoi detyrimet tatimore, dhe vuri theksin se nuk janë të rrezikshme duke përdorur dhe vetë një të tillë gjatë mbledhjes së qeverisë.

Këto maska, për të cilat opozita akuzon qeverinë, u shpërndahen personelit mjekësor që nuk janë në vijën e parë të frontit të luftës kundër koronavirusit tha Rama, por për opozitën në këtë mënyrë po u rrezikohet jeta stafit mjekësor.

 “Në vend që të sulmojë opozitën, Edi Rama duhet të japë llogari pse ka shpërndarë 1.2 milionë maska të skaduara? Gënjeshtrat dhe sulmet kundër opozitës nuk i shërbejnë as sigurisë dhe as jetës së shqiptarëve! Janë mijëra burra, gra dhe fëmijë që duhen mbrojtur. Boll me justifikime që fshehin dështimin, boll me gënjeshtra që fshehin paaftësinë, bëj detyrën dhe merr masa reale kundër epidemisë, për hir të gjithë shqiptarëve”, shprehet Basha.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.