“Qeveria do të avancojë me Aeroportin e Vlorës dhe të Sarandës”- Gjiknuri paralajmëron një aksion në akset rrugore: Projektet e reja në rrugë dhe linja hekurudhore
Vijon seanca plenare në Kuvend, ku fjalën pak minuta më parë e mori, ministri i Infrastrukturës dhe Energjisë, Damian Gjiknuri ku sipas tij infrastruktura dhe energjia duhet të jenë çështje që duhet të bashkojnë politikën dhe jo ta ndajnë. Ai e ka nisur fjalën e tij me një aksion që pritet të nisë që në ditët e para të kësaj qeverie.
“Do të kemi një aksion të gjerë në territorin e vendit për disiplinimin e hyrje daljeve në vend, me qëllim që hapësirat rrugore të lehtësohen dhe të shpengohen, prandaj ky aksion do të përfundojë siç duhet. Që në tre muajt e parë do të ndërhyjmë në mënyrë emergjente në rrugë, duke vendosur sisteme ndriçimi, vendosjen e sistemit SOS në çdo aks kombëtar. Autoriteti Rrugor Shqiptar do të strukturoret. Kemi një mekanizëm për t’i dhënë zgjidhje transportit qytetas dhe ndërqytetas. Policia gri do të hiqet nga rruga dhe do të ketë ristrukturim në drejtoritë rajonale.”
Gjiknuri foli edhe për disa nga projektet e rëndësishme në infrastrukturën rrugore.
Konkretisht, Gjiknuri tha se janë prioritare disa projekti si: “Projekti për autostradën Adriatiko-Joniane, do të nisë puna për studimin e fizibilitetit. Do të nisim me Bypassin e Tepelenës, Lezhës, Tiranës. Do të përfundojë By-passi i Fierit dhe i Vlorës, do vazhdojë puna për rrugën e Lumit të Vlorës dhe në Unazën e plotë të Tiranës. Brenda 100 ditëshit të parë do të kemi edhe ofertën finale dhe kontratën e lidhur për Rrugën e Arbrit.”
Ministri njëkohësisht foli njëkohësisht edhe për linjat hekurudhore.
“Brenda muajit të parë do të fillojmë me stacionin e përbashkët të Tuzit në Malin e Zi. Brenda muajve të parë do të hartojmë masterplanin për sistemin e transportit hekurudhor për qytetarët, nisur edhe nga projekti Tiranë-Rinas- Durrës. Do punohet për linjën hekurudhore me Kosovën dhe Maqedoninë. Në kuadër të projektit “Intereg” do të punohen edhe për pri-fizibilitetin e linjës hekurudhore me Greqinë”, tha Gjiknuri.
Më tej Gjiknuri edhe për aeroportin e Vlorës dhe Sarandës, ku më tej tha:
“Qeveria do të avancojë për ndërtimin e aeroportit të Vlorës dhe do të përfundojmë studimin për aeroportin e Sarandës, që do të jetë një projekt i realizueshëm me anë të Partneritetit Publik Privat”, tha Gjiknuri.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.