Qeveria e re gjermane – Merkel mirëpret votimin e SPD, duhet të nisë sa më shpejt puna

Kancelarja gjermane Angela Merkel mirëpriti votimin vendimtar të social demokratëve për t’u bashkuar në koalicion me konservatorët e saj dhe tha se qeveria e re duhet të nisë punën shpejtë për të trajtuar çështje si politikat ndërkombëtare të tregtisë.

“Ajo që shohim dhe dëgjojmë çdo ditë është që Europa duhet të bëjë progres dhe se Gjermania duhet të luajë një rol të fortë këtu së bashku me Francën dhe vendet e tjera anëtare”, tha Merkel.

Ajo shtoi se kjo lidhjet kryesisht me ccështje të politikave ndërkombëtare të tregtisë, hapja e konkurrencës me Kinën dhe situatën në Siri.

Presidenti i Shteteve të Bashkuara, Donald Trump, irritoi aleatët europianë me planet e tij për të vendosur tarifa për çelikun dhe aluminin, gjë që solli një paralajmërim nga Bashkimi Europian se do të kundërpërgjigjet.

Rezultati i votimit të partisë Social Demokrate ditën e Diel, solli lehtësi te bizneset dhe shtetet europiane, që mendojnë se Eurozona do të përfitojë nga partneriteti i Merkel me presidentin e Francës Emmanuel Macron, në planet e tyre për reforma.

Merkel tha se është e rëndësishme që qeveria e re gjermane të nisë së shpejti punën dhe se është krijuar një themel pozitiv për bashkëpunim, ndërkohë që 66% e social demokratëve votuan për një tjetër koalicion të madh.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.