Qeveria e re në Itali/ A do të jetë ish kryeministri Conte në kabinetin e Mario Draghit?

Kryeministri në ikje i Italisë, Giuseppe Conte ka deklaruar se do të mbështesë qeverinë e Mario Draghit por për momentin nuk dëshiron që të bëhet pjesë e kabinetit qeveritar që po formohet.

Në asamblenë e grupeve të ‘Lëvizjes 5 Yjet’, ish kryeministri Conte tha se nuk është momenti i autoizolimit dhe se nuk mund të lihet menjanë e mira e vendit.

”Ne kemi një përgjegjësi të madhe ndaj vendit dhe të mos harrojmë se kush bashkëpunon në mënyrë besnike e kush tjetër në mënyrë të papërgjegjshme. Në e dijmë se kush na ka kthyer shpinën dhe tani kërkon që të përfshihen që të përfitojë ndonjë gjë. Do të kërkohet që të vendosen kushte të tilla që disa subjekte të mos mund të qendrojnë më në tavolinë.

Por ne, në tavolinë duhet të qendrojmë sepse duhet t’i japim një perspektivë vendit e zgjidhje të tjera për momentin nuk ka” tha ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.