Qeveria, gati ndihma për familjet në nevojë, Rama: “Vaksina anti-Covid do të jetë falas, jo politikë me pandeminë”

Kryeministri Edi Rama është fokusuar të shëndetësia në konferencën e kësaj jave me gazetarët, ku theksoj se qeveria po punon për hartimin e një paketë ndihëmëse për shtresat në nevojë për të përballuar covid 19.

“E para një ndërhyrje sa i përket ilaçeve ndërsa për shtresat në nevojë nuk ka lidhje me ilaçet, por ka lidhje me dinamikën e përgjithshme që lidhet edhe me masat. Në kushtet kur do të ketë masa të tjera për çdo nevojë do të jemi gati, pasi kemi parasysh edhe faktin që një pjesë e madhe e tyre punojnë në të zezë.”

Në lidhje me problematikat e vonesave të tamponëve, ministrja Manastraliu tha se ka qënë për shkak të një fluksi të madh javën e kaluar, por që po zgjidhet edhe me shtimin e kapaciteteve.

“Prioriteti në bazë të udhëzimit të Komiteti Teknik të Ekspertëve janë grupet e riskuara në testim, ato që kanë simptomat, mësuesit, vatrat e infektimit të reja, në mënyrë që të kufizojmë sa më shumë infeksionin duke gjurmuar padyshim edhe kontaktet. Unë nuk e mohova këtu që ka patur edhe disa vonesa për shkak të fluksit të madh të rasteve të infektimit, të cilët janë zgjidhur dhe janë duke u zgjidhur në sajë të fuqizimit të kapaciteteve pikërisht në kuadër të kësaj strategjie.”

Në lidhje me vaksinën anticovid kryeministri Rama tha se do të shpërndahet falas, kur të jetë gati.

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.