Qeveria holandeze jep dorëheqjen pas skandalit me taksat – Kryeministri do vazhdojë të drejtojë përgjigjen ndaj pandemisë

E gjithë qeveria holandeze dha dorëheqjen të Premten pas një skandali që përfshinte keqmenaxhimin e fondeve të kujdesit për fëmijët, i cili çoi mijëra familje në vështirësi financiare.

Një hetim zbuloi në dhjetor se zyrtarët e taksave akuzuan gabimisht mijëra familje për mashtrim dhe i urdhëruan ata të shlyenin përfitimet e kujdesit për fëmijët midis 2013 dhe 2019. Ngjarja është përshkruar si një “padrejtësi e paparë” nga disa ligjvënës holandezë.

Qeveria e drejtuar nga Kryeministri Mark Rutte, në pushtet që nga viti 2017, vendosi të premten të pranojë përgjegjësinë dhe të lë kolektivisht detyrën në prag të skandalit.

Rutte, duke folur në një konferencë për shtyp, tha se do të vazhdojë të drejtojë përgjigjen emergjente Covid-19 me një status kujdestari.

Duke pasur parasysh afërsinë e zgjedhjeve të përgjithshme që janë në Mars, ministrat mund të përfundojnë të qëndrojnë në rolet e tyre derisa votuesit të drejtohen në qendrat e votimit.

D.B – SCAN
Burimi: CNBC

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.