Qeveria italiane emeton ‘Panda Bond’ – Ja për çfarë do të shërbejnë
Në mesin e shteteve europiane, është vetëm Polonia vendi që e ka realizuar këtë proces para Italisë e cila për të emetuar ‘panda bond-ët’ nënshkroi një memorandum me Kinën në vitin 2016. Më 10 korrik ishte radha e qeverisë italiane me ministrin Giovanni Tria, i cili pas nënshkrimit të një marrëveshjeje me homologun e tij kinez Liu Kun, duke pas mbylljes së Dialogut të Parë të Kinës dhe Italisë, njoftoi: “Në ditët e ardhshme do të fillojmë emetimin e ‘panda bond-ve’ të para”.
Çfarë janë Panda Bond? Janë obligacione, ose borxhe, në monedhën kineze, të cilat lëshohen nga qeveritë e huaja për të financuar iniciativat e kompanive të huaja në Kinë, duke pasur bankën qendrore kineze si nënshkruesen kryesore. “Si pjesë e marrëveshjeve të nënshkruara sot, kompanitë e sigurimeve të të dy vendeve do të kërkojnë zgjidhje të përbashkëta për fondet dhe kapitalin privat, duke inkurajuar investitorët në vendet e tyre respektive për të nënshkruar obligacionet”, shpjegoi Tria.
Tani për tani, Panda Bond janë “eksperimentale”, theksoi ministri. Ne i lëshojmë këto “obligacione për financimin e kompanive, pra me kërkesën dhe nevojën për t’i lëshuar ato për të financuar operacionet e kompanive në tregun kinez”. “Gjithçka që mbetet është një nënshkrim nga Banka Popullore e Kinës për të përfunduar procedurën dhe këto çështje mund të bëhen në ditët e ardhshme, më pas do të vendosen shuma të ndryshme fillestare të cilat do të rriten me kalimin e kohës”, shtoi ai. Emetimi i parë pritet të arrijë në një total prej 150 milion. (Lettera43)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.