Qeveria italiane konfirmon: Nga 1 dhjetori doza e tretë për të gjithë ata mbi 40 vjeç!

Nga 1 dhjetori të gjithë italianët e moshës 40-60 vjeç do të mund të marrin dozën e tretë të vaksinës, për aq kohë sa kanë kaluar gjashtë muaj nga përfundimi i ciklit primar.

‘Booster’ do të kryhet ekskluzivisht me një serum m-Rna (Pfizer ose Moderna). Ministri i Shëndetësisë, Roberto Speranza, me këtë njoftim konfirmon se vendi kërkon t’i japë një përshpejtim të qartë thirrjeve të vaksinimit.

Për momentin doza e tretë në Itali u është ofruar rreth 2.5 milionë njerëzve, përfshirë punonjës të kujdesit shëndetësor, të moshuar dhe të dobët.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.