Qeveria me dy ministra të rinj nga Kosova! Diplomacia drejtohet nga filozofi me 3 diploma, Arsimi nga ekspertja e integrimit

Për herë të parë, që prej viteve ’40, qeveria shqiptare do të ketë në përbërje dy ministra nga Kosova. Ministri i ri i Jashtëm, Gent Cakaj ka mbajtur detyrën e zëvëndësministrit të Jashtëm, duke qenë edhe kryenegociatori i Shqipërisë për çeljen e negociatave me Bashkimin Europian. Më herët ai ka qenë këshilltar i kryeministrit Edi Rama. Po ashtu, ai ka pasur angazhim në shoqërinë civile si konsulent. është arsimuar në Kosovë, Belgjikë dhe Hungari dhe mban dy diploma dhe 3 master në filozofi, shkenca politike dhe juridik.

Besa Shahini, ministrja e re e Arsimit ka qenë më parë zëvëndësministre e Arsimit.  Ajo është analiste dhe hulumtuese e çështjeve të integrimit evropian dhe politikave arsimore. Ka master nga Hertie School of Governance në Berlin për politika publike. Ka qenë ligjëruese në Toronto dhe Barcelonë dhe është autore e një serë publikimesh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.