Qeveria miraton rreth 5200 ‘paga lufte’ të tjera! Përfiton sektori i transportit publik
Qeveria shqiptare ka miratuar edhe 5 mijë e 191 ‘paga lufte’ për punonjësit dhe të larguarit nga puna për qershorin e vitit 2020. Sipas kryeministrit, efekti financiar është 134 milion e 966 mijë lekë dhe është siguruar nga fondi rezervë i Drejtorisë së Përgjithshme të Shërbimeve të Transportit Rrugor. Këto paga i shkojnë sektorit të Transportit Rrugor të Udhëtarëve për lehtësimin e pasojave nga vonesa e detyruar e nisjes së aktivitetit në muajin qershor.
“Falë mirëadministrimit, rezultateve rekord të 2019-ës dhe përgjegjësisë shembullore sociale të DPSHTRR-së, mundësohet mbështetja e dytë për sivjet nga DPSHTRR për sektorin e transportit të udhëtarëve me autobus (pas kompensimit të taksës vjetore TVMP)” shkruan kryeministri ndërsa jep lajmin e miratimit të vendimit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.